|
Mesgingylyç
Gökdepe elegýasý(Tawuşy)
Belalardan nyşan !
|
|
Eý Hudaýa toba kyldym, bu
ne apatdan nyşan,
Elaman, heý elam, sakla
belelardan nyşan,
Arş-u kürs,
luh-u kalam, asman, zemin eýlär
pygan,
Bu musulman nalyşyga, ýer
ýüzün aldy duman,
Arasat gopdy bu gün,
möminlere ahyrzaman.
Kim musallat boldy bizge,
yşbu kapyr öwrülip,
Köp musulmanlar şehadet
tapdy, gumga garylyp,
Ata oguldan, ene gyzdan,
dost ýardan aýrylyp,
Gök öwrülip, dag sarsyp,
ýedi gat ýer ýarylyp,
Arasat gopdy bu gün,
möminlere ahyrzaman.
Lagnaty
dejjal läýin, gopgan gibi boldy
beşer,
Gyrmyzy ganlar döküldi,
akdy derýa dek nehir,
Kerbela şehitler dek,
boldy öwlad-e beşer,
Kimi
magryp, kimi
maşryk sary boldy derbe-der,
Arasat gopdy bu gün,
möminlere ahyrzaman.
Ýyglañyzlar eý
musulmanlar ki matamdyr bu gün
Soldy gül, urdy hazan,
bilbi dili semdir bu gün,
Kapyra
paýmal bolup,
ummat-y Hatamdyr bu gün,
Ummatyñ halyga,
fahry jihan gamdur bu gün,
Arasat gopdy bu gün,
möminlere ahyrzaman.
Waý, bul kim bizlere bir
patışah rehber gerek,
Ol Ababekir, Omar, Osman
kimin efser gerek,
Zulpugaryn çalgujy arslan
Aly haydar gerek,
Hem
Musayyeb-o, Sagyd-y wakkas, Malik-e aždar
gerek
Arasat gopdy bu gün,
möminlere ahyrzaman.
Waý, alar bolsa garyplar
halyny sorgaý eýdi,
Kapyra garşy durup, din
gyljyn urgaý eýdi,
Otuz üç müñ
ähl-e yshap sep bolup durgaý eýdi,
Ýer bilen ýegsan edibän,
baryny gyrgaý eýdi,
Arasat gopdy bu gün,
möminlere ahyrzaman.
Uşbu gün matam tutup,
haywan-ynsan ýyglaşar,
Gök lerzan urup, ýer-o
asman ýyglaşar,
Nala dartyp, hem
bulutlar, çarh-y eýwan ýyglaşar,
Teke halky zar-o gerýan,
köp musulman ýyglaşar,
Arasat gopdy bu gün,
möminlere ahyrzaman.
Wa daryga sernegun boldy,
Söyün han illerim,
Gözi gerýan, bagry
berýan, hana weýran illerim,
Çäre ýokdur, hak tagala
kylsa perman illerim,
Belki kylgaý hak ýene
müşkülni, asan illerim,
Arasat gopdy bu gün,
möminlere ahyrzaman.
Bu
musulmanlar tamam, efzel-e ummat boldular,
Munda rehmet aldy,
onda ähl-e hyzmat boldular,
Howuz-e köwser saýasynda
saky-ýe şerbet boldular,
Ýokdur arman, barysy
hüýrlege ülfet boldular,
Arasat gopdy bu gün,
möminlere ahyrzaman.
Wa haçan bolgaý bizlerege
bagyt, kadyr Huday?
Uşbu jebir-o hem
sütemler, günbe-günden, ýyl-o aý,
Bizge kyldy bi wepalyk,
bu harap, köne saraý,
Bu ne apat, bu ne
zulmat başymgyza, waý-waý,
Arasat gopdy bu gün,
möminlere ahyrzaman.
Ajyzy
Mesgingylyç
kyl toba, çendan yýglagyl,
Hemdemim ussa Myrat,
hatyry perişan ýygşagyl,
Dembe-dem
äfgan kylyp, çäk-o gerýan ýyglagyl,
Çoh olaryñ bolganyn,
ähl-e dessan ýyglagyl,
Arasat gopdy bu gün,
möminlere ahyrzaman.
Käbir sözleriñ düşündirişi:
*Luh-u
kalam: kalam eýesi, Hudaý, Tañry
*Dejjal läýin: näletlenen dejjal, aldawuñ simboly, dini rowaýatlara
görä ol ahyrat gopmazdan öñ eşegi bilen gelip, tylla paýlap,
adamlary ters ýolla çekjekmiş.
*
Nehir: derýa, aryk
*
Öwlad-e beşer: ynsan ogly
*
Maşryk: Gündogar, magryp, günbatar
*
Paýmal: aýak asty, depgilenmek
*
Ummat-y Hatam: Jomart halk diýmek
*
Fahry jihan: Dünýäniñ buýsanjy, bu ýerde Muhammet pygamber
*
Rehber: serkerde, lider
*
Musayyeb, Sagyd-y wakkas, Malik-e aždar: Arap, musulmalarynyñ
serkerdeleri
*
Ähl-e yshap: Muhammet pygamberiñ ýarany
* Wa
daryga: wah, nädeyin
*Sernegun: düñderilmek, agdarylmak
*
Söyün han: Teke bilen ýomutlayñ nesilbaşysy
* Hana
weyran: öýi ýykylan
* Bu
musulmanlar tamam, efzel-e ummat boldular: Gökdepede şehit bolan bu
musulmanlaryñ hemmesi, halkyñ baş täji boldy
*
Anda: Ol dünýäde, behiştde
*
Saky-ýe: Şerap guýujy, beýmçi
*
Ülfet: ýoldaş, syrdaş
*
Zulmat: Garañkylyk, bu ýerde zulum
*
Äfgan: nala, pygan
Latyn
hatyna geçiren we sözlere düşündiriş beren
Akmyrat Gürgenli
09.01.2006
|
|