قاسئم نور بادف نگ ایرانلی ییگیت آدلی شیغئرندان

ایرانلی ییگیت

اونککی توموس بولغاریا (بلغارستان) بارامدا،

بیر ییگیده غابات گلدیم وارنادا،

"من ایراندان گلدیم "دیدی ال ییگیت،

"یانئمدا بار گلنیم "دیدی ال ییگیت،

"ایکی سانی اوغلوم بار یانئمدا"،

باشا بارسا غالما یوق دال یادئمدا،

"اوزوم تورکمن" دیدی ایرانلی ییگیت.

خال - آخوال سوراشدیق تورکمن دیلینده

"ایراندا یاغدایئمئز آغیر" دیدی ال ییگیت

دیلیمیز - پلتک، آرقامئز یاغئر" دیدی ال ییگیت

"نه حاقمئز - حقوقئمئز غالدی "دیدی ال ییگیت

"نه ارکیمیز غالدی "دیدی ال ییگیت،

نه توینوگمیز - اوغومئز غالدی" دیدی ال ییگیت،

نه مولکومئز غالدی، دیدی ال ییگیت،

میللتمئز "تورکمن" دییلیپ یازئلانوق

"چاغالارئمئز اوقامایار تورکمنچه".

ائنانماسانگئز،

حابار غاتئب گورایینگ"،

"اغول لاریم دیلی بیلنوق منچه..."

"نه ایلیمیز غالدی"، دیدی ال ییگیت،

"نه دینیمیز غالدی" دیدی ال ییگیت.

دینگه، دینگه،

بیر آزاجیق،

آزاجیق

واخ، دیلیمیز غالدی" دیدی ال ییگیت...